Klementínur VS mandarínur...

.....þar sem ég hugsa oft mikið.....um useless hluti.....þá rann það upp fyrir mér eitt kvöldið þegar ég lá sveitt yfir frönskubókunum og var að troða í mig mandarínum. Að ég vissi ekki munin á klementínu og mandarínu. Þá fór ég að hugsa meira; Af hverju eru þessi tvö nöfn yfir þennan sama hlut? Eru þær ekki nákvæmlega eins? Ég vissi allavega ekki munin.

Ég spurði sambloggarann minn að þessu og ei vissi hún svarið - lærða manneskjan sjálf ;)
Ég hélt satt best að segja að klementínur væri svona "fínna" orð yfir mandarínur. Eins konar jólaorð.... Því ég heyri þetta orð eingöngu notað yfir mandarínur á jólunum.....

Við tók margar andvökunætur og vangaveltur um það í hverju munurinn væri fólginn....

Ég einfaldega vissi ekki muninn. Ég spurði Gunnu Dóru, vinkonu mína, hvort hún vissi það, "nei" var svarið. Þetta var farið að vera þungur baggi í mínu lífi! Ég gat hvorki etið vott né þurrt....

Síðan fékk ég brillijant hugmynd. VÍSINDAVEFURINN! hann veit ALLT!
En við skulum hafa það á hreinu að ég ætlaði sko ekki að spurja að þessu! Það var sko fyrir neðan mína virðingu....ehe.... ;)

Veist þú svarið??.....Hver sé munurinn á mandarínu og klementínu........tja ef þú vissir það ekki þá færðu að vita það núna;

"Samkvæmt þriðju útgáfu Íslenskrar orðabókar eru klementínur kynbætt, steinlaust afbrigði af mandarínum. Mandarínur vaxa á tré sem nefnist á fræðimáli Citrus reticulata og er af rútuætt." (http://visindavefur.hi.is/)

Þá vitið þið það! Þegar þið teljið ykkur vera með klementínu í hönd en ó ó ó er ekki STEINN þá er þetta einfaldlega mandarína í dulargervi.........bammbammbaaaammmmmm!