Microsoft office SharePoint Designer

Elsku fólk! Ef einhver ... mér er alveg sama hver ... bara ef einhver kann á þetta forrit sem er í nýja office pakkanum má hinn sami hafa samband við mig. Ég þarf að koma heimasíðu á netið. Er einhver sem getur rétt mér hjálparhönd?

Til þess að drepa tíman

ég sit við tölvuna að læra ... glugga í glósur, fletti bókum og blöðum ég er að læra! Það er ekki að spyrja af því að ég lít aðeins í kringum mig og sé þá allt dótið á stofugólfinu eftir Margréti mína og ákveð þá að ganga frá því og setja það inn til hennar. Ég er hætt að heyra suð, þá er þvottavélin búin að þvo, best að hengja uppúr vélinni, til þess að geta hengt uppúr vélinni verð ég að taka niður af snúrunni og brjóta þann þvott saman og koma honum fyrir inn í skápum, núna get ég loksins hengt upp. Þar sem ég geng í gegnum eldhúsið sé ég að óhrein glös og diskar eru farin að safnast saman í partý við vaskinn, best að henda þessu í uppþvottavélina. Hey?! Var Margrét ekki að rífa til inni í gestaherbergi? jú ... best að laga það svöggvast. Jæja núna er best að fara að setjast niður og læra, nei, kannski ég bloggi í staðinn. Ég er orðin þreytt, á ég að gefa mér það eftir að fara að sofa? Ætli ég geti beðið með lærdóminn þangað til á morgun? Hvernig verður þetta þá? Svei mér þá.
Ég hélt að þessi ósiður um að láta eitthvað viljandi trufla sig í prófatíð myndi þroskast af manni ... svo er ekki, nema ég sé enn svo óþroskuð að ég geti ekki hamið mig.

Þess má geta að það er ekkert sameiginlegt á milli mín og drengsins
á myndinni hér fyrir ofan.

Fólk sem les áfram verða að vera búin að fylgjast aðeins með fréttum (þetta eru stikkorð)...

Ráðherra... á að breyta þessu nafni eitthvað? Gera það meira "kvennlegt"? Plís kommon! Ég skil ekki þetta dæmi með að breyta þessu nafni eða heiti. Sorry. Hvað er þetta með kvennfólk og að fara í þáttinn hans Egils Helgasonar? Hvað er eiginlega að okkur kvennfólkinu?! (sumu, afsakið, sumu ... ekki vera reiðar). Ef það á einhversstaðar að rífa kjaft og fá að komast í sjónvarpsþætti, eða ekki og breyta einhverjum heitum þá er það á launum og launamun kynjanna. Spurt er!

Hörður frændi var í Kompás fyrr í kvöld að tala um ólöglega vopnaeign íslendinga ... ég er orðin skíthrædd! Hvert er heimurinn að fara ... hvert er Ísland að fara?

Ísland best í heimi. Hér er víst best að búa samkvæmt einhverju liði sem býr ekki einu sinni hérna og hefur aldrei gert! Ætli þetta sé rétt niðurstaða?

Það á að lengja kennaranámið og ef allt gengur upp þá á þessi nýja reglugerð með lengingunni og öllum þeim krúsídúllum sem fylgir því að taka gildi árið 2009. Guði sé lof að ég sé byrjuð í náminu ... Það var nefnilega stytt námið sem ég er í, 3 ár í stað 4. Sweet. Hærri laun segi ég og ekki orð um það meir.

Aji ég er búin að eyða alveg nógu miklum tíma í ekki neitt og get þess vegna farið bara að sofa, klukkan er orðin svo margt! Lærdómurinn bíður til morguns.

Útvarp

Mér finnst æðislegt að það sé verið að fara að af stað með útvarpsstöð hérna í Víkinni. Það á að endurvekja útvarpsstöð okkar bolvíkinga Lífæðin FM. Lífæðin FM var síðast í gangi fyrir einhverjum 14 árum síðan! Ég man nú lítið eftir því en ég man að Ellý systir, Einar Örn, Benni frændi, Magnús Már og Sigurborg fóru til Tóta í viðtal vegna þess að þau voru með einhverja hljómsveit (mig minnir allavega að það hafi verið þannig), ég var alveg voðalega montin að hlusta á systur mína í útvarpinu ;)

Ég gat ekki annað en hlegið (upphátt meira að segja) þegar ég sá í dreifibréfinu sem kom í hús í dag að fólki væri frjálst að koma með einhverja dagskráliði í útvarpið. Hvernig væri að ég myndi endurvekja útvarp Rækju og útvarp Kobbi Valgeir? Þá yrði gamall draumur að veruleika! ;)

Not Enough to Cry.....

Þar sem klukkan er orðin 05 tel ég það góða ákvörðun að koma með eina færslu eða svo.
Jiiiminn hvað ég pæli mikið á nóttunni. Kannski ástæða fyrir því að maður á að vera sofandi á þessum tíma. Pælingar fljúga um kollinn á mér eins og þær fái borgað fyrir það....

Afhverju skildi maður halda svona í fortíðina? Pæla mikið í henni?
Mikið búin að hugsa um þetta, sérstaklega af því að ég geri þetta sjálf. Velti mér of mikið upp úr henni. Á maður ekki að gera það, á maður bara að hugsa "liðið er liðið" og láta þar við sitja. Lærir maður ekki alltaf af fortíðinni, af mistökunum. Og hef ég nú gert slatti af þeim. Svo margt sem ég hefði viljað gera öðruvísi. En merkir það ekki bara einfaldlega að ef svo ólíklega vildi til að ég lenti í sömu/svipaðri stöðu að ég myndi vita nákvæmlega hvernig ég myndi bregðast við. Spurning.

"Let go let flow" er nokkuð sem ég á erfitt með að gera. Afhverju, veit ég ekki. Eina sem ég get sagt er að ég er bara svona. Það er ekki endilega gott. Mér finnst það allaveg ekki. Vildi óska að ég þyrfti ekki að ofhugsa hvert skref sem ég tek. Vildi óska að ég gæti einfaldlega verið kærulaus upp að heilbrigðu marki...

Vildi óska að ég hefði svör við öllum mínum spurningum. Allri þeirri vitleysu sem gengur um í kollinum á mér. Vonandi á endanum mun ég hafa fengið svör við flestum af þeim. Maður getur ekki annað en vonað.

Ég elska þig mamma! ;) ;*

Jæja tími til kominn að dusta rykið af lyklaborðinu. Magnað hvað ég er engan veginn að nenna þessu bloggi. Kannski af því að ég hef engu að miðla. Það gerist ekkert spennó hjá mér. Okei. Vera jákvæð. Fór til húsmóður/nemanda í gær, við stöllur tókum þá brilliant ákvörðun að elda saman. Byrjaði náttúrulega á því að fara í bónus og versla. Förum nú ekkert nánar út í það. Haldið var heim og húsmóðir/nemandi kláraði að læra meðan undirrituð sá um að brytja niður grænmetið og hugsum MG (Sem er snilldar krakki ef þið vissuð það ekki.). Húsmóðurinni/nemandanum til mikils ama - fannst það ekki vera mjög "gestgjafalegt" að láta mig gera þetta. Isspiss segi ég nú bara, tel mig ekki vera gest þar á bæ. Hananú sagði hænan og lagðist á bakið. Síðan var borðað, sumir borðuð með gafli en aðrir ekki. Látum þar við sitja. Gunnan og Mæsan kíktu til okkar, jii það var hlegið, hár fengu að rísa og fjúka og þar fram eftir götunum. Jáh tíminn aldeilis flýgur þegar maður er staddur á Ljósalandinu. Undirrituð kom ekki heim fyrr en að verða 03, ekki beint kristinlegur tími.

Afhverju skildi maður segja þetta, kristinlegur tími? Tja skiptir ekki öllu, en ef þú veist það endilega fræddu mig....

Annars er ég stödd á næturvakt á The Shelter eins og góðvinur minn Frímann kallaði þetta hér einu sinni í msn-samtali. Frímann kemur með smella hittara endrum og eins ;)

Hef þetta ekki lengra í bili en aftur á móti eru bilin hjá mér lengri!

Undirituð

Vera Dögg, dóttir Snorra og Þorgerðar.

Alltaf er það eitthvað ...

Þessa mynd sem er hérna fyrir neðan hef ég sett nokkrum sinnum hingað inn. Hún er af mér (þessi krúttlega og minni) og Helgu Björg systur minni (þessi krúttlega og stærri)

Helga Björg systir, til hamingju með daginn.
Kiss, knús og kram til þín :*

Árshátíð Bolungarvíkurkaupstaðar var á laugardaginn síðasta. Gugga setti í mig rúllur, ekkert smá smart. Berta og Hjörtur komu til okkar á Ljósalandið og við fengum okkur smá söngvatn til upphitunar fyrir kvöldið. Síðan var haldið í Víkurbæ þar sem ég skemmti mér og öðrum í góðan tíma.

Stelpan komin með rúllurnar!

Orðin sæt og fín ... eitthvað að hylja búbburnar sem voru eitthvað sýnilegar í kjólnum!
Fínu vinkonurnar!

Hjörtur og Berta sætu :*

Mússí gússí ... Ég og Gunnsinn minn.

* * * * * *

Ég er ótrúlega ánægð með hlutskipti mitt í lífinu!
Dóttir mín er farin að syngja lög af fullum krafti sem hún er að læra í leikskólanum og það er mikil skemmtun að fá að hlusta á það. Svo gerðist það krúttlegasta í heimi í gær þegar hún sagðist elska mömmu sína :"mamma mitt, elska"

Þrekmeistarinn

Einhver var farinn að væla um myndir frá þrekmeistaranum ... Here you go:

Tíminn kominn af stað. Eyrún komin á fullt á hjólinu.
Eftir að hún var búin að hjóla fór hún í róðravélina og réri 500 metra.

Helga Guðrún einbeitt í fótaréttunni, 60 stykki takk. Þessi æfing var á eftir niðurtoginu.

Sigríður Ágústa í sínum 100 uppstigum með 5 kg. lóð! Já sæll... Búin áður með einhver nokkur stykki af armbeygjum.

Elín Sveins. að taka ágætis armbeygjur. Fætur í 90° og olnbogar vel niður í átt að gólfinu og verða síðan að snerta lærin (rétt f. neðan hné).

Léttfeti á hlaupabrettinu. 800 metrar í 10% halla. Síðan tók bekkpressan við, 25 kg. 40 sinnum.Colgate systur á leið út!Svo var svalað þorstanum um kvöldið! Vatnsglasið mitt v.s. coke glasið hennar Elínar! Enginn munur ;)

Það var gaman á Þrekmeistaramótinu við kláruðum þrautina og það var markmið sem við settum okkur í upphafi, tíminn hefði mátt vera betri en hey ... koma tíma koma ráð til þess að bæta hann. Ég verð að segja ykkur eitt! Á laugardagsmorguninn var fundur fyrir keppendurnar þar sem farið var yfir keppnisreglur, þrautirnar og eitthvað bla bla. Á þessum fundi hló ég næstum því upphátt af mínum eigin hugsunum. Þarna stóð ég ásamt mínum vinkonum, leit í kringum mig og komst að því að núna hefði ég hugmynd um það hvernig albínóa líður í afríku í kringum alla svertingjana og hvernig Bjössa bollu leið í kringum allar fyrirsæturnar hérna í denn! Flestir þarna voru hel cutuaði, mjóir og grannir auk þess að vera tanaðir í drasl ...
En þrekmeistaramótið var það skemmtilegt að við stefnum að því að fara aftur í maí! Þá verð ég orðin tönuð í drasl og læt albínóa skammast sín við hliðina á mér auk þess sem ég verð hel cutuð :) Gott markmið! Annars er ég ágætlega ángæð með sjálfa mig! hehe

Umerðin

18. nóvember.
Í dag er fórnarlamba umferðarslysa minnst um allan heim!

Mér líður sjaldan eins illa og þegar ég heyri af umferðarslysum. Blessuð sé minnig allra þeirra sem láta hafa lífið í umferðinni, Guð gefi eftirlifendum styrk og Guð veri með aðstandendum.

Jónas Hallgrímsson

Til þess að heiðra minningu Jónasar Hallgrímssonar og í tilefni af degi íslenskrar tungu þá set ég inn ljóð eftir kappann, Jónas Hallgrímsson.

Efst á Arnarvatnshæðum

Efst á Arnarvatnshæðum
oft hef eg klári beitt;
þar er allt þakið í vötnum,
þar heitir Réttarvatn eitt.

Og undir Norðurásnum
er ofurlítil tó,
og lækur líður þar niður
um lágan Hvannamó.

Á öngum stað eg uni
eins vel og þessum mér;
ískaldur Eiríksjökull
veit allt sem talað er hér.

Skólinn

Ég er akkúrat núna í einhverju sem kallast "námslægð" (nýtt orð, punktið það hjá ykkur). Þetta er ekki besti tímin sem ég get valið fyrir þessa námslægð vegna þess að prófin eru á næsta leiti, great!
Þannig er að ég er búin að vera í vettvangsnámi í grunnskólanum á Þingeyri og finnst gaman af. Þegar ég er búin þar á daginn fer ég heim og punkta niður eitt og annað sem ég varð vitni af um daginn auk þess sem ég hendi einhverjum samanburði á skólanum á Þingeyri og grunnskólanum hérna í Víkinni niður á blað, meira geri ég ekki. Ég gæti verið að rifja upp fyrir prófin, reyndar er ég byrjuð (gefið mér séns, búin að rifja upp 4 kafla í einu fagi) svo númer eitt, tvö og þrjú þá gæti ég verið byrjuð og búin með verkefni sem ég á að skila á morgun og er ekki enn byrjuð (high five Guðbjörg!!). Ég er búin að fresta því að vinna þetta verkefni alla þessa viku vegna þess að mér finnst það leiðinlegt! Áðan ákvað ég nú að drífa í þessu... las og skoðaði reyndar allar síður sem ég gat á netinu, gekk frá í eldhúsinu, setti í þvottavélina og gekk frá þvotti... svo settist ég loksins niður aftur við tölvuna, staðráðin í því að klára verkefnið þá sá ég að mér hafi borist póstur! Pósturinn var uppfullur af afsökunum kennarans að hafa verið að setja fyrir okkur verkefni í vettvangsvikunni þegar allt er á fullu og mikið að gera (wtf?!) þannig að skiladagsetningunni var breytt, ég þarf að skila verkefninu 23. nóv.

Mér dettur ekki til hugar að byrja á verkefninu ... ætla að geyma það, aðeins lengur!
Gáfulegt? Varla!

Björgvin Halldórsson...

.... Þú komst með jólin til mín, til mín, til mín!!!

Ég er komin með tvo miða á aðra aukatónleikana hans Bo Halldórs. Helga Björg systir var svo góð og reddaði þessu fyrir mig í morgun þegar að miðasalan hófst! Takk, takk :*
Ég og Gunnar verðum flott á svona jólatónleikum. Erum við eitthvað að ræða það hve mikið ég hlakka til.

Reykjarvík fyrir jólin og tónleikar getur ekki klikkað.

Af hverju?!

Ég er enn að velta þessu fyrir mér!! Af hverju er verið að eyða svona miklum peningum í endurbætur á Félagsheimilinu okkar hérna í Víkinni? Okei, allt gott og blessað með að laga það og betrumbæta þess er þörf ef það á að nota það eitthvað í framtíðinni... en halló stækka það!? aji krakkar!
Ég held það sé mikið meira vit í því að byggja upp þá byggingu sem er mest lifandi og mest notuð hérna í bænum, íþróttahúsið. Ég veit að það verður aldrei hætt að nota það, sama hversu fá eða mörg við verðum, íbúar Bolungarvíkur.

Kannski er ég ekki að sjá allar hliðar á þessu máli og horfi ekki til framtíðar ... eða jú! Ég horfi til framtíðar ég sé bara ekki allar hliðar á þessu máli.

Mér fannst greinin sem Jón Bjarni löggiman skrifaði á vikari.is um daginn. Alveg er ég sammála karli, hann sagði allt sem segja þarf og kom fram með þá punkta sem ég hef komið fram með áður og ekki.

En bara til þess að það komi fram og fari ekki á milli mála þá er ég alveg fylgjandi því að láta laga félagsheimilið, ég hef oft sagt það að það sé löngu tímabært. En ég er ekki alveg að kaupa þá hugmynd að það þurfi að stækka Víkurbæ.

Mín hugmynd ... mín pæling.
Takk, takk.

Mugiboogie!!

Tónleikarnir voru æði!!! Vá!! Brillíjant út í gegn! Stemmingin í Edinborgarhúsinu var æðisleg!! Þeir voru að brillera á sviðinu...Maður vissi eiginlega ekki á hvern maður átti að horfa því þeir voru allir að performa (svo maður sletti aðeins) skemmtileg, hver á sinn hátt.
Mig skortir einfaldlega orð. Þið sem voruð ekki þarna, MIKILL missir ójá!!

Over and out bitches!

Benjamín dúfa

Ég horfði á Benjamín dúfu með bekknum mínum í morgun. Mikið ofboðslega finnst mér þetta vera frábær mynd!! Ég hef lesið bókina nokkrum sinnum og séð myndina enn oftar og alltaf á ég jafn erfitt með að fara ekki að gráta í enda myndarinnar þegar Baldur deyr. Svei mér þá ... ég var samt nagli í skólanum í morgun og fór ekki að gráta þau svo að tárin voru ekki langt undan. Myndin hitti beint í mark hjá krökkunum þá er takmarkinu náð!
Það eru margar íslenskar kvikmyndir sem ég dýrka þá nefni ég sem dæmi Benjamín dúfu, Engla alheimsins, Emil og Skunda (sú bók minnir mig bara á Sigurvin, einhverrahluta vegna?!), Kaldaljós (nýjasta íslenska kvikmyndin sem ég hef séð, gott tvist í henni), Íslenski draumurinn (hún minnir mig á Ásgeir Guðmunds. "allt í lagi með hebegi?!"), Veggfóður klikkar aldrei og svo lengi gæti ég talið. Íslenskar kvikmyndir eru mitt áhugamál ...

Það er mikið að gera hjá mér þessa dagana og það má vekja athygli á því að ég er ekki að fara á Mugison tónleika í kvöld!!! :@ arg ... heldur verð ég heima, að hlusta á Mugison og læra.

Það eru daglegar æfingar hjá þrekmeistaraliðinu. Ég er búin að bæta tímann minn ágætlega í hlaupinu en væri til í að hafa hann betri. Ég er engin súperkona þanni ég er sátt, ég hugsa bara ég hef ekki æft þetta í nema 3 vikur og ég uppsker eftir því. Bekkpressan er góð og þarf ég að stoppa einu sinni þegar ég tek "skammtinn", það er framför vegna þess að þegar ég var að byrja þá stoppaði ég svona 5-6 sinnum *aumingi!!!*. Það verður lagt í hann norður á föstudaginn, ekki seinna en kl. 13!! Ég fæ að rifja upp leiðina norður sem ég b.t.w. keyrði síðast á flotta rauða bílnum hennar Stebba þegar við fór norður á söngkeppni framhaldsskólanna með Helenu og gistum í þessum fína bústað.
Eitt hérna í viðbót .... AF hverju sagði mér ENGIN að þessari keppni væri SJÓNVARPAÐ eða tekin upp?! hver þremillinn?! Erum við að ræða þetta eitthvað eða? Ég er búin að finna sjónvarpslookið bæði í hlaupinu og í bekkpressunni. Ég verð töff ;)

Í næstuviku mun ég "skutlast" yfir á Þingeyri á morgnanna! Já sæll! Þessar ferðir mínir verða farnar í þágu námsins, allt gert fyrir það. Þannig núna er ég að reyna að keppast við það að klára stærsta verkefnið í einum af áfanganum og svo eru auðvitað lítil og krúttleg verkefni sem vert er að klára áður en haldið verður norður.

Þar sem ég talaði um það fyrir nokkrum dögum hve mikið ég hlakka til jólanna þá langar mig til þess að benda á það hversu mikið mig langar á jólatónleikana hans Björgvins Halldórssonar!!! je minn einasti eini. Mig langar ekkert á þessar frostrósa/dívu tónleika. Mig langar á Bó. Núna bíð ég og vona að það verði auglýstir aukatónleikar ... þá VERÐ ég þar!

Ég kveð ...

Konur blikka næstum því tvöfalt meira en karlar....

Ha Ha Ha!

Sorglegt ég hef ekkert til að blogga um! Kannski ekki svo sorglegt eftir allt....

Neih maður bara spyr sig....

Rafmagnstóllinn var fundinn upp af tannlækni.......
.......ekki skrítið að fólk hræðist tannlækna!

Það var jólasnjókoma í gær (en höfum það á hreinu að ég stend fast á því að allt jólajóla má ekki koma fyrr en 1.des það er bara þannig.) Finnst þess lags snjókoma svo falleg. Verst var að þurfa að skafa af bévítans bílnum þegar ég var búin að vinna....

Er ekki frá því að hengja sokka upp á snúru sé það leiðinlegasta sem ég geri....

Jarðhnetur eru eitt af þeim hráefnunum sem notað er til að búa til dynamít!

Tíminn ... já tíminn!!

Tíminn líður óþæginlega hratt! Ég er alltaf að komast betur og betur að því og hef þar af leiðandi örugglega nefnt það nokkrum sinnum hérna á blogginu en halló!!

Íþróttahátíð Grunnskóla Bolungarvíkur er á morgun og ég sé um eina keppnisgreinina auk þess að fá að henta stelpum inná og útaf í körfuboltaliði skólans auk Pálínu, það er gaman. Allavega ... í spenningnum og stressinu í dag fór ég að hugsa að það eru 6 ár síðan ég keppti síðast á íþróttahátíð. Váá ... erum við að ræða það eitthvað? Já Saaaææælll....!!
Það eru sex ár síðan ég skaut Önnu Sigurðar. svo nett niður (tvisvar sinnum btw) í fótboltanum og svo mætti lengi telja upp einhver skemmtileg atvik. En bara svo það sé á hreinu þá var það ekkert svo skemmtilegt að skjóta greyið Önnu niður ... sérstaklega ekki þegar Karitas stóð við hliðina á mér ansi reið ... en samt svo að springa úr hlátri segjandi: "Guðbjörg...þú skalt biðja hana afsökunar!!" og ég eins saklaus ég er og var: "Hvaaaðð!? Hún var fyrir og stóð upp á vitlausum tíma!"
Hvaða hátíð var það þar sem ég hélt markinu hreinu fyrir okkur Víkarana? Eins og ég segi tíminn líður svo hratt að ég er hætt að muna! Það er ekki gott.
Ég vona að stemmarinn verði góður á hátíðinni! Ég man hvernig þetta var þegar ég var ung þegar stóru krakkarnir klifruðu í netinu uppá pöllunum af spenningi og lætin!! sjæse. sjáið þarna kemur annað "merki" þess efnis að ég er farin að eldast og tíminn líður hratt, "þegar ég var ung"!

Þar sem ég er farin að tala um það að tíminn líði hratt þá ætla ég að fara að læra. Það styttist í að lokaprófin hefjist! Mánuður dömur mínar og herrar!