Sumarfrí

Ég er að fara í sumarfrí. Reyndar er ég búin að vera í sumarfrí síðan 7.júní en núna er ég að FARA eitthvert í sumarfrí. Snæfellsnesið er staðurinn sem við, litla fjölskyldan, munum skoða í næstu viku. Ég og Margrét mín ætlum að sýna okkur og sjá aðra í höfuðborginni í einhverja daga, eða frá miðvikudegi til föstudags og verður þá haldið í Hólminn, Stykkishólm. Á laugardaginn mun svo elskuleg móðir mín gifta sig! Mamma og Clemens munu ganga í það heilaga þann 7.júlí 2007 (þau eru svo töff! ;)) Ég er mjög hamingjusöm með þennan ráðahag og get varla andað útaf spenningi að hitta þau og allt fólkið sem kemur!

Það er ekki bara sumarfríið og brúðkaupið sem heldur mér ánægðri þessa dagana því í síðari hluta júní mánaðar fékk ég svar frá KHÍ (Kennara háskóli Íslands) þess efnis að ég væri komin þar inn í fjarnám!! Takk fyrir pent. Takk.

Helga Guðrún "systir" er að koma heima ásamt pabba mínum og co. á morgun. Það eru komnir næstum meira en 13 mánuðir síðan við sáumst síðast! Mikið ofboðslega verður knúsast mikið og talað þegar við hittumst á morgun! Myndin hér til hliðar er tekin í enduðum apríl. Þær frænkur, Margrét og Helga, sáust síðast í byrjun júní.

Dóttirin er einnig búin að fara í nefkirtlaaðgerð. Það er mjög gleðilegt þó svo að það hafi tekið all verulega á hjörtu og tilfinningar foreldra hennar þegar á því stóð. Það var eins gott að Gunnar minn var þarna með mér!

Það fer að líða að því (allavega ef tíminn heldur áfram að líða svona hratt) að við, ég og Gunnar, fáum húsið okkar afhent! Je minn einasti, Húsið MITT!! ó minn Jesús. Við fáum húsið afhent í síðasta lagi þann 15.ágúst. Við erum rétt að fá að kíkja inní það á morgun til þess að mæla hvað við þurfum að kaupa mikið parket, stórar hurðir og gardínur. Það er allt í gangi. Er maður virkilega orðin svona fullorðin?!

Svo má ekki gleyma að nefna veðrið sem er búið að vera alveg GEÐVEIKT! Þetta kalla ég sko sumar, á Íslenskan mælikvarða allavegana ;)
Ástin, ó ástin hjálpar manni líka að vera ánægður og glaður með lífið. Ástin er holl og góð :)






Allavegana ... þá er ég farin í sumarfrí. Ég elska ykkur öll og á eflaust eftir að sakna ykkar.